“Наполи” Италия чемпионатининг 13 ўйинида 11-ғалабасини қўлга киритди.
Лучано Спалетти шогирдлари “Аталанта”ни меҳмонда 2:1 ҳисобида мағлуб этди ва “Милан” – “Специя” ўйини олдидан пешқадамликни мустаҳкамлади. Турнинг охирида биринчи ва иккинчи жамоалар ўртасидаги фарқ ҳар қандай ҳолатда ҳам камида бир очкога кўпроқ бўлади.
А Сериядаги неаполликлар қаторасига 9 учрашувда умумий 22:7 ҳисобида зафар қучган. Чемпионатда улар ҳалигача бирорта мағлубиятга учрамаган - 11 ғалаба ва 2 дуранг.
Кейинги баҳсда "Наполи" "Эмполи"ни қабул қилади - бу 8 ноябрь куни содир бўлади.
