Гути "Реал"да майдонга тушмаётган Карим Бенземадан норози.

34 ёшли ҳужумчи Мадрид клубининг чемпионат доирасидаги 13 ўйинидан 6 тасини ўтказиб юборган. Кеча "Реал" Ла Лиганинг 13-тури доирасида "Райо Вальекано"га имкониятни бой бериб (2:3) турнир жадвалида пешқадамликни қўлдан чиқарди. Ҳозир “Барселона” биринчи ўринда.

“Мен уни тушунмаяпман. Месси "ПСЖ"да, Левандовски эса "Барселона"да бошқа кўплаб футболчилар каби ўйнаяпти. Жаҳон чемпионати олдидан жароҳат олиш хавфи борлигини тан олишимиз керак. Лекин сиз клубингизни тушкунликка тушира олмайсиз.

Албатта, ҳеч ким жаҳон чемпионатини ўтказиб юборишни истамайди, лекин клубни биринчи ўринга қўйиш керак", - дейди "Реал"нинг собиқ футболчиси El Chiringuito телеканалида.

Бундан ташқари, Гути "Реал"да Бенземанинг ўрнини боса оладиган ҳужумчи йўқлигидан норозилигини билдирди.

“Бундай нарса юз бериши мумкинлигини ҳамма билади. Мен тушунмаяпман, нега "Реал" каби клубнинг бошқа ҳужумчиси йўқ", - дейди Гути.

Франциялик футболчи жорий мавсумда “Реал” сафида 12 ўйинда 6 та гол урди.