"Наполи" ҳужумчиси Ирвинг Лосано Италия чемпионатининг 14-тури доирасидаги "Эмполи" устидан қозонилган ғалабадан (2:0) ўз ҳис-туйғулари билан ўртоқлашди. Бу учрашувда форвард пенальтини голга айлантирди.
"Мен бу пенальтини амалга оширишни хоҳлардим, ҳамма мени қўллаб-қувватлади. Мен буни амалга оширдим ва хурсанд бўлдим. "Наполи"нинг ҳар бир футболчиси бу ғалабага ҳисса қўшди, биз яхши иш қилдик. Биз кундан-кунга яхшиланиб борамиз”, - дея Лосано сўзларидан иқтибос келтиради DAZN.
“Наполи” 14 турдан кейин 38 очко билан А Серия турнир жадвалида пешқадамлик қилмоқда.
"Эмполи" 14 очко билан 14-ўринда бормоқда.
Кейинги турда неаполликлар 12 ноябрь куни “Удинезе”га қарши баҳс олиб боришса, “Эмполи” бир кун аввал “Кремонезе” билан учрашади.
