"Бешиктош" раҳбарияти англиялик ярим ҳимоячи Деле Аллининг жисмоний формасидан норози. Туркиялик журналист Серҳат Улуереннинг ёзишича, мураббийлар штаби энди ярим ҳимоячининг хизматларига қизиқмаяпти ва ундан қутулишни режалаштирмоқда.
26 ёшли ярим ҳимоячи 2022 йилнинг ёзидан буён “Бешиктош” сафида ижара асосида тўп сурмоқда. Футболчи Туркия чемпионатига "Эвертон"дан кўчиб ўтди.
Алли жорий мавсумда “бургутлар” сафида 9 та ўйин ўтказиб, битта гол урган.
13 тур натижасига кўра, "Бешиктош" Туркия чемпионатида олтинчи ўринни эгаллаб турибди.
