“Челси” ҳимоячиси Рис Жеймс Қатардаги жаҳон чемпионатида иштирок этмайди. Бу ҳақда 22 ёшли футболчи ижтимоий тармоқлардаги пости орқали маълум қилди.

Рис Жеймс жароҳати туфайли Англия терма жамоасининг Бутунжаҳон футбол форумидаги якуний таркибига кирмайди. Ҳимоячи қарийб бир ойдан бери "Челси" шифохонасида ётибди.

Рис Жеймс ўз постида англиялик футболчиларга омад тилади ва тез орада сафга қайтишини қайд этди.

Эслатиб ўтамиз, Қатардаги жаҳон чемпионати 20 ноябрь, якшанба куни бошланади. Англия терма жамоаси АҚШ, Уэльс ва Эрон терма жамоалари билан бир гуруҳдан жой олади.