Жозе Моуриньо “Рома”нинг бир футболчисидан ҳафсаласи пир бўлди.
Бу ҳақда португалиялик мураббий А серияда “Сассуоло” билан ўйиндан кейин (1:1) айтди.
“Ўйлашимча, биз ёмон ўйнамадик, унгача икки оғир кунни ўтказдик. Жамоа ғалаба қозонишни хоҳлади, улар рақибни яхши назорат қилишди. "Сассуоло" қийин рақиб, улар қарши ҳужумларда жуда тезкор, бўшлиқларга ҳужум қилишади.
Бир футболчи ўзининг нопрофессионал муносабати билан жамоанинг саъй-ҳаракатларига хиёнат қилганидан афсусдаман.
“Лацио”га қарши ўйинда Ибанес ҳақида бундай гапирганимни кўрмадингиз, чунки унинг бу масалага муносабати энг юқори даражада. Футболчилар хато қилишлари мумкинлигини яхши билишади.
Бугунги вазиятда унда нопрофессионал муносабат бор эди. Жамоадошлари учун у нотўғри қилди. Ва мен бундан энг кўп афсусланаман. Аммо сафарда очко олдик, бу натижани ёмон деб бўлмайди”, - деди Моуриньо.
