Саудия Арабистони компанияси "Ньюкасл"га яна 80,8 миллион евро инвестиция киритди, дея хабар берди клуб расмий сайти.
Қайд этилишича, бугунги кунда эгалар гуруҳининг "Ньюкасл"га жами сармояси 510 миллион евродан ошади.
“Биз Англия ва Европада доимий равишда энг юқори савияларда рақобатлаша оладиган клуб қуриш бўйича узоқ муддатли режанинг бошида турибмиз. Биз жамоа ва лойиҳани ривожлантиришимиз керак. Биз буни молиявий фейр-плей қоидаларига риоя қилган ҳолда амалга оширишимиз керак. Ушбу қўшимча сармоя бизга бизнес режамизни давом эттиришга имкон беради", деди клуб бош директори Даррен Илз.
"Ньюкасл" 14 турдан кейин 27 очко билан АПЛда учинчи ўринда бормоқда.
