Каталониянинг "Барселона" клуби бош мураббийи Тито Вилланова жамоанинг бразилиялик ҳимоячиси Дани Алвесни дунёнинг энг яхши қанот ҳимоячиси деб атади.
Эсингизда бўлса, ўтган мавсум якунига етгач, жуда кўп испания нашрлари бразилиялик футболчини ёзда жамоани тарк этади дея жар солишганди. Футболчининг ўзи эса, ўша миш-мишлар авж олиб кетган пайтда тушкунликка тушганини ва клуб унинг ёнини олмаганидан ҳафа эканлигини айтганди.
"Агар ўша вазиятда Алвеснинг ҳафа бўлганини билганимда унга албатта қўнғироқ қилган бўлар эдим. Шунчаки миш-мишларга эътибор бермасликни лозим топган эдик.
"Мен учун Дани Алвес ўз позициясида дунёнинг энг кучли футболчисидир. Бундай футболчини мен фаолиятим давомида кўрмаганман", -дейди Тито Виланова испан ОАВга берган интервьюси чоғида.