Каталониянинг «Барселона» клуби ва Испания терма жамоаси ярим ҳимоячиси Педри ЖЧ-2022 бошланиши арафасида ОАВ билан суҳбатлашди.
“Испаниянинг ғалаба қозониш имконияти борми? Бирор нарсани олдиндан башорат қилиш қийин. Буни йўл давомида томоша қилишингиз керак.
Бизда ғалаба учун кураша оладиган ажойиб жамоа бор. Яна ким муваффақиятга эришиши мумкин? Аргентина ва Бразилия терма жамоалари бор.
Лионель Месси узоқ вақтдан бери жаҳон чемпионатида ғалаба қозонишга лойиқ эди. Агар биз турнирда ғалаба қозона олмасак, унда Лео буни қилсин", - дейди Педри.
Жаҳон чемпионати гуруҳ босқичида «қизил фурия» Германия, Япония ва Коста-Рика терма жамоаларига қарши майдонга тушади.
