Daily Mail хабарига кўра, "Тоттенхэм" келаси ёзда ҳужумчи Харри Кейнни жамоа билан шартномасини узайтиришдан бош тортган тақдирда ҳам сотмайди.
Шартнома муддатини ҳисобга олсак, ҳужумчи учун пул олиш мақсадида Кейнни кейинги ёзда сотиш “Тоттенхэм”га фойдали бўлиши мумкин, аммо Лондон клуби раҳбарлари трансферни амалга оширишни режалаштирмаяпти. Ҳужумчининг инглиз клуби билан шартномаси 2023/24 йилги мавсум охиригача амал қилади.
Нашрнинг ёзишича, “Бавария” англиялик футболчига фаол қизиқиш билдирмоқда. Мюнхенликлар ҳужумчини Эрик-Максим Чупо-Мотингга ўринбосар сифатида кўрмоқда. Германия терма жамоаси раҳбарияти футболчининг мавсумнинг биринчи ярмидагидек самарали ўйин кўрсата олишига ишончи комил эмас.
29 ёшли ҳужумчи жорий мавсумда “Тоттенхэм” сафида барча турнирлар доирасида 22 та ўйинда майдонга тушиб, 13 та гол урди ва 3 та голга ассистентлик қилди. Transfermarkt маълумотларига кўра футболчининг нархи 90 миллион еврони ташкил қилади.