Daily Mail xabariga ko‘ra, "Tottenxem" kelasi yozda hujumchi Xarri Keynni jamoa bilan shartnomasini uzaytirishdan bosh tortgan taqdirda ham sotmaydi.

Shartnoma muddatini hisobga olsak, hujumchi uchun pul olish maqsadida Keynni keyingi yozda sotish “Tottenxem”ga foydali bo‘lishi mumkin, ammo London klubi rahbarlari transferni amalga oshirishni rejalashtirmayapti. Hujumchining ingliz klubi bilan shartnomasi 2023/24 yilgi mavsum oxirigacha amal qiladi.

Nashrning yozishicha, “Bavariya” angliyalik futbolchiga faol qiziqish bildirmoqda. Myunxenliklar hujumchini Erik-Maksim Chupo-Motingga o‘rinbosar sifatida ko‘rmoqda. Germaniya terma jamoasi rahbariyati futbolchining mavsumning birinchi yarmidagidek samarali o‘yin ko‘rsata olishiga ishonchi komil emas.

29 yoshli hujumchi joriy mavsumda “Tottenxem” safida barcha turnirlar doirasida 22 ta o‘yinda maydonga tushib, 13 ta gol urdi va 3 ta golga assistentlik qildi. Transfermarkt ma’lumotlariga ko‘ra futbolchining narxi 90 million yevroni tashkil qiladi.