“ПСЖ” ва “Ювентус” “Ливерпуль” ярим ҳимоячиси Наби Кейтани сотиб олмоқчи, дея хабар беради Goal.com. Нашрнинг ёзишича, иккала клуб ҳам футболчини келаси ёзда текинга ўз сафига олмоқчи.

Шунингдек, футболчига Германия чемпионатининг бир қатор клублари қизиқиш билдирмоқда.

Кейтанинг инглиз клуби билан амалдаги шартномаси 2023 йилнинг ёзига қадар тузилган. Клуб раҳбарияти футболчи билан шартномани узайтиришни режалаштирмоқда, бироқ футболчининг ўзи ўйин вақти камлигидан норози ва клубни эркин агент сифатида тарк этмоқчи. Transfermarkt порталига кўра футболчининг нархи 20 миллион еврони ташкил қилади.

27 ёшли ярим ҳимоячи жорий мавсумда “Ливерпуль” сафида битта ўйинда захирадан майдонга тушди. Футболчининг жорий мавсумдаги умумий ўйин вақти беш дақиқани ташкил этади.