Франция терма жамоаси бош мураббийи Дидье Дешам жамоа юлдузлари – ҳужумчилар Килиан Мбаппе ва Карима Бензема ҳақида ўз фикрлари билан ўртоқлашди.
“Карим ва Килиан ҳужумкор футболчилар. Уларда ажойиб футбол маҳорати бор. Лекин уларнинг ҳеч бири жамоанинг асосий футболчиси бўлишни хоҳламайди. Айнан улар шерикларни орқасидан етаклашлари керак. Аммо Бензема ва Мбаппе энг олий қадрият жамоа эканлигини яхши билишади", - дея мураббийнинг сўзларидан иқтибос келтиради Goal.com.
Франция терма жамоаси амалдаги жаҳон чемпиони ҳисобланади. У ўз гуруҳида Тунис, Дания ва Австралияга қарши баҳс олиб боради. Турнир 20 ноябр куни Қатарда бошланади.
