“Милан” ва Франция терма жамоаси ҳужумчиси Оливье Жиру Қатарда бўлиб ўтадиган 2022 йилги жаҳон чемпионати ҳақидаги фикрлари билан ўртоқлашди.

Футболчи бўлажак жаҳон чемпионати унинг учун охиргиси бўлишини тан олди.

“Бу, албатта, охирги марта! Демак, турнирдан барча мумкин бўлган ҳис-туйғуларни ва завқни олишингиз керак. Мен ҳар дақиқадан завқ олишни хоҳлайман! Ва, албатта, жамоага чемпионликни ҳимоя қилишга ёрдам бермоқчиман. Турнир муҳимлигини ҳамма тушунади", - дея 36 ёшли ҳужумчининг сўзларидан иқтибос келтиради pianetamilan.it.

Футбол бўйича 2022 йилги жаҳон чемпионати 20 ноябрдан 18 декабрга қадар Қатарда бўлиб ўтади. Жаҳон чемпионатининг амалдаги соҳиби Франция терма жамоаси ҳисобланади.

Французлар гуруҳ босқичида Австралия, Дания ва Тунис терма жамоалари билан тўқнаш келишади.