"Реал" бош мураббийи Жозе Моуриньо яримҳимоячиси Нури Шахиннинг жамоадан кетишига шаъма қиди. Эслатиб ўтамиз, турк футболчисини "Арсенал" бир мавсумга ижарага олмоқчи.
"Бу бозор, 31 августгача очиқ турадиган бозор, менга ёқмайди... Албатта, саволлар кўп - бизнинг эмас, журналистларнинг ва одамларнинг.
Менга, жамоада 20 нафар маҳоратли ўйинчининг бўлиши етарли, бунга қўшимча қилсам - ёшлар учун эшигимиз ҳар доим очиқ. Очиқ айтаман: кимдир кетиши керак.
Шахинга келсак... Агар унга яхши таклиф тушадиган бўлса, қабул қилгани маъқул. Ўтган йилда у жуда кам майдонга тушди.
Модрич? Мен бошқа клубларнинг ўйинчилари ҳақида гапирмайман", - дея Моуриньонинг сўзларини келтиради AS.
