Франция терма жамоаси бош мураббийи Дидье Дешам жароҳат олган ҳужумчи Карим Бензема ўрнига футболчи чақирмаслигини айтди.
"Бензема алмаштириладими? Йўқ. Нега? Чунки мен шундай қарор қилдим. Жамоа таркибида 25 нафар футболчи бўлади. Бизда 8 та ҳужумкор ўйинчи бор”, - дея Дешам сўзларини келтиради Telefoot.
34 ёшли Бенземада чап сонининг мушаклари жароҳати аниқланган, бу эса футболчининг ЖЧ-2022да иштирок этишига имкон бермайди. Франциялик футболчининг тикланиши учун уч ҳафта керак бўлади.
Франция “D” гуруҳида Австралия (22 ноябрь), Дания (26 ноябрь) ва Тунис (30 ноябрь) билан куч синашади.
