"Наполи" жамоаси сардори Жованни ди Лоренцо билан шартномани узайтирмоқчи, дея хабар беради La Gazzetta dello Sport.
Манбага кўра, 29 ёшли ҳимоячининг неаполликлар клуби билан янги шартномаси 2028 йилгача мўлжалланган. Ди Лоренцо келаси ёзда шартнома имзолаши кутилмоқда.
Эслатиб ўтамиз, италияликнинг амалдаги шартномаси муддати 2026 йилнинг ёзида тугайди.
Ди Лоренцо жорий мавсум “Наполи” сафида 21 та ўйинда майдонга тушиб, 1 та гол ва 3 та голли узатмага муаллифлик қилган.