"Барселона" қишки трансфер ойнасида янги ўнг қанот ҳимоячисини сотиб олмоқчи. Бироқ Испания чемпионатида молиявий фейр-плей қоидаларига кўра, улар учта шартни бажарсагина буни амалга оширишлари мумкин. Бу ҳақда Mundo Deportivo хабар бермоқда.
Булар ҳужумчи Мемфис Депайнинг кетиши; Марк-Андре тер Штеген ва Френки де Йонг билан маошларни қисқартириш бўйича келишув; ҳомийлик ёки ўртоқлик ўйинларидан қўшимча даромад олиш.
Хабар қилинишича, "Барселона" қишки трансфер ойнасида "Жирона"дан Арнау Мартинесни сотиб олмоқчи. 19 ёшли футболчи аввалроқ “Кўк-анорранглилар” академиясида ўйнаган.
