Daily Express нашри хабарига кўра, "Челси" келаси ёзда иккита англиялик ярим ҳимоячи билан шартнома имзоламоқчи.
Манбага кўра, гап Дортмунднинг "Боруссия" клуби ярим ҳимоячиси Жуд Беллингем ва "Вест Хэм" ярим ҳимоячиси Деклан Райс ҳақида кетмоқда. Ҳар икки футболчи учун Лондон клуби раҳбарияти тахминан 280 миллион фунт (тахминан 322 миллион евро) тўлаши керак бўлади.
Transfermarkt портали маълумотларига кўра, Беллингемнинг нархи 100 миллион евро, Райс эса 80 га баҳоланган.
19 ёшли Беллингем жорий мавсумда Дортмунднинг “Боруссия” клуби сафида 22 та ўйинда майдонга тушиб, 9 та гол урди ва 3 та голли узатмани амалга оширди. 23 ёшли Райс 20 ўйинда битта тўп ва иккита голли узатмага эга.
