Лондоннинг "Арсенал" клуби бош мураббийи Арсен Венгер янги мавсумда жамоанинг ёш ўйинчиларига, ҳатто 16-17 ёшли футболчиларига ҳам ишонч билдиришини таъкидлаб ўтди.
"Жамоамиз истеъдодли ёшларга тўла. Улар шу пайтгача етарлича тажриба тўплашга улгурдилар, дейиш мумкин. Масалан Окслейд Чемберлен. У атиги 18 ёшда, аммо у аллақачон юқори савияда ўйнай олишини исботлади.
"Ёки бўлмасам Уилшир ёки Рэмсини олайлик. Уларнинг бири 20, иккинчиси эса 21 ёшда. Улардан ташқари яна бир қанча ёшларимиз ҳам бор. Улардан умидим катта. Мана ўртоқлик учрашувларида яна бир ёш футболчи Чукс Анекени синаб кўрмоқдаман. Шунингдек Рио Мияичи ҳам бор. Ҳулоса қилиб айтганда, бу ёшлар жамоамизни тарк этган футболчилар ўрнини бемалол боса олишларига шубҳам йўқ.", дейди Венгер Goal нашрига берган интервьюсида.













