“Интер” ҳужумчиси Эдин Жеко клуб билан янги шартнома имзолашга тайёр. Аммо у фундаментал шартни илгари сурди - ҳужумчи ҳозирги маошининг камайтирилишига мутлақо рози эмас, деб хабар беради Sky Italy.

Италия клуби мавсум охирида шартномаси тугайдиган 36 ёшли футболчини ўзида сақлаб қолмоқчи.

Жеко “Интер” сафида 2021 йилнинг ёзидан буён тўп суради. Жорий мавсумда у жамоа сафида барча турнирларда 18 та ўйин ўтказиб, 6 та гол урди ва 3 та голга ассистентлик қилди.

Transfermarkt портали ҳужумчининг нархини 4 миллион еврога баҳоламоқда.