“Inter” hujumchisi Edin Jeko klub bilan yangi shartnoma imzolashga tayyor. Ammo u fundamental shartni ilgari surdi - hujumchi hozirgi maoshining kamaytirilishiga mutlaqo rozi emas, deb xabar beradi Sky Italy.

Italiya klubi mavsum oxirida shartnomasi tugaydigan 36 yoshli futbolchini o‘zida saqlab qolmoqchi.

Jeko “Inter” safida 2021 yilning yozidan buyon to‘p suradi. Joriy mavsumda u jamoa safida barcha turnirlarda 18 ta o‘yin o‘tkazib, 6 ta gol urdi va 3 ta golga assistentlik qildi.

Transfermarkt portali hujumchining narxini 4 million yevroga baholamoqda.