Мюнхеннинг "Бавария" клуби яқинлашиб келаётган трансфер ойнасида жамоани кучайтириш ниятида эмас. Bild журналистларига маълум бўлишича, немис гранди келаси ёз учун пул тежашга қарор қилган.
Шу тариқа, "Бавария" жароҳат олган Садио Мане ва Лука Эрнандеснинг ўрнига футболчилар билан шартнома имзоламайди. Қайд этилишича, "Бавария" январда ҳимоячи Бун Саррни сотишдан бироз пул ишлаб олмоқчи. Унинг трансфер нархи 2,5 миллион евро.
Бундеслига турнир жадвалида мюнхенликлар иккинчи ўриндаги "Фрайбург"дан тўрт очкога олдинда биринчи ўринда бормоқда. Чемпионлар лигасининг плей-офф босқичида “Бавария” Франциянинг “ПСЖ” жамоаси билан тўқнаш келади.
