Ҳужумчи Криштиану Роналду “Ан-Наср” билан шартнома имзолашга яқин турибди, деб хабар беради Marca.

Манба берган хабарга кўра, Саудия Арабистони клуби 37 ёшли португалиялик футболчига 2,5 йиллик шартнома ва 500 миллион евро таклиф қилмоқда. Йиллик маош бир вақтнинг ўзида 200 миллион еврони ташкил қилади - унга маошнинг ўзи ва реклама даромадлари киради.

Ҳозирда форвард эркин агент мақомида.

22 ноябрь куни “Манчестер Юнайтед” португалиялик ҳужумчи Криштиану Роналду билан шартномани бекор қилганини эълон қилди.

Ҳужумчи жорий мавсумда “Манчестер Юнайтед” сафида барча турнирлар доирасида 16 та ўйинда майдонга тушиб, 3 та гол урди ва 2 та голли узатмани амалга оширди. Transfermarkt маълумотларига кўра, футболчининг нархи 20 миллион еврони ташкил қилади.