«Ювентус»нинг собиқ президенти Жованни Коболли Турин клубидаги инқироз ҳақида гапирди. Унинг айтишича, «Юве»нинг собиқ раҳбарлари (хусусан, яқинда «бьянконерилар» президенти лавозимини тарк этган Андреа Аньелли) бир қатор жиддий хатоларга йўл қўйган.

«Дастлаб Аньеллининг келиши ижобий қабул қилинди. У жуда яхши бошлади, лекин Роналдунинг келиши билан ҳаммаси ўзгарди.

Маротта («Ювентус»нинг собиқ бош директори) Роналду билан шартнома имзолашни истамади, Аньелли ва Паратичи (бьянконериларнинг собиқ спорт директори) шартномани якунлаш зарурлигини таъкидлади, шу сабабли Маротта охир-оқибат бунга қўшилди.

Шубҳасиз, Роналдуга сармоя киритиш жуда қимматга тушди. «Ювентус» жуда кўп пул сарфлади ва молиявий жиҳатдан ўзини ҳавас қилиб бўлмайдиган аҳволга солиб қўйди. Шу сабабли клуб қўшимча сармоя жалб қилишга мажбур бўлди.

Бундан ташқари, Маурицио Саррини бош мураббийликка таклиф қилиш ва Суперлигани ташкил этишда иштирок этиш каби бошқа хатолар ҳам бўлган», — деди Жованни Коболли Италия матбуотига берган интервьюсида.