Аргентина терма жамоаси ҳужумчиси Лионель Месси Германия терма жамоасининг Қатарда бўлиб ўтаётган 2022 йилги футбол бўйича жаҳон чемпионатини тарк этишидан ҳайратда қолди. Немислар “E” гуруҳида учинчи ўринни эгаллаб, жаҳон чемпионатининг плей-офф босқичига чиқа олишмади.
“Уларнинг гуруҳ босқичидаёқ турнирни тарк этгани мени ҳайратда қолдирди. Кучли футболчилар кўп, жумладан, ёшлар ҳам. Германия ҳар доим энг яхшилар қаторида бўлган. Немисларнинг турнирни тарк этиши ЖЧ жуда қийин турнир эканлигини кўрсатади. Жамоалар тенг ва буюк ном энди муҳим эмас", - дейди 35 ёшли аргентиналик Ole нашрига.
