"Тоттенхэм" ярим ҳимоячиси Иван Перишич Хорватия терма жамоаси сафида жаҳон ва Европа чемпионатларида энг кўп гол урган футболчига айланди. Бугун у Қатарда бўлиб ўтган жаҳон чемпионатининг 1/8 финалида Японияга қарши ўйинда гол урди.

Перишич йирик турнирларда терма жамоа сафида 10 та гол урган. Ушбу кўрсаткич бўйича у Давор Шукерни (9) ортда қолдирди. Жаҳон чемпионатида урилган голлар бўйича уларнинг иккаласида ҳам 6тадан гол бор.

Шукер Хорватия терма жамоаси сафида гол уриш бўйича ҳамон пешқадам (45). Удан кейинги ўринларда Перишич ва Марио Манжукичлар (33 тадан) бор.