Бруно Лаббадиа "Штутгарт" бош мураббийига айланди.
56 ёшли мутахассис билан шартнома 2025 йилнинг 30 июнига қадар амал қилади. У октябрь ойидан буён вақтинчалик бош мураббий бўлиб келган Михаэль Виммер ўрнини эгаллади.
Лаббадиа 2010 йилдан 2013 йилгача "Штутгарт"ни бошқарган. Унинг охирги иш жойи "Герта" клуби эди.
"Штутгарт" мен учун оддий клуб эмаслигини ҳамма билади. "Штутгарт"да деярли уч йил мураббийлик фаолиятимнинг жуда муҳим даврини ўтказдим ва энди "Штутгарт"ни Бундеслигада сақлаб қолиш учун ўз ҳиссамни қўшмоқчиман.
Биз дарҳол ишга киришамиз ва 12 декабрь куни машғулотлар бошланиши учун ҳамма нарсани тайёрлаймиз. Биз жамоанинг ўйин даражасини тезда баҳолаймиз ва муваффақиятга эришиш учун ҳар куни қаттиқ ва катта мамнуният билан ишлаймиз", деди Лаббадиа.
«Штутгарт» 14 очко билан Бундеслига турнир жадвалида 16-ўринда бормоқда.
