“Женоа” ярим ҳимоячиси Маноло Портанова олти йиллик қамоқ жазосига ҳукм қилинди.
22 ёшли футболчи 2021 йилнинг май ойида Сиена шаҳрида уюштирилган зиёфат пайтида 21 ёшли талаба қизни гуруҳ бўлиб зўрлашда иштирок этганликда айбланган. Иш бўйича бошқа айбланувчилар - футболчининг амакиси ва икки дугонаси, жумладан, 17 ёшли ўсмирдир.
Football Italia нашрининг хабар беришича, Портанова ва унинг қариндоши тезлаштирилган суд жараёнига эришган ва бугун Сиена суди томонидан 6 йиллик қамоқ жазосига ҳукм қилинган. Шунингдек, улар жабрланувчи ва унинг оиласига 120 минг евро тўлашлари керак.
Қайд этилишича, ишни тезлаштирилган ҳолда кўриб чиқиш жараёнида судланувчи жазони енгиллаштириш ва суд муҳокамаси муддатини қисқартириш мақсадида судда кўриш босқичидан бош тортади. Аммо бундай чора айбни тан олиш билан бир хил эмас - Портанова буни тан олмади ва қарор устидан шикоят қилиш ҳуқуқига эга.
