"Барселона" "Арсенал" ҳужумчиси Габриэль Мартинеллига қизиқиш билдирмоқда, деб хабар беради Diario Sport. Каталонияликлар келишувни 2023 йилнинг ёзида ёпишни кутмоқда.
Шу билан бирга, "Арсенал" аллақачон 21 ёшли бразилиялик футболчи билан шартномасини 2026 йилгача узайтириш таклифини билдирган. Амалдаги келишув 2024 йилнинг ёзига қадар мўлжалланган.
Ҳужумчи жорий мавсумда 17 та ўйинда майдонга тушиб, 5 та гол ва 2 та голли узатмага муаллифлик қилган.
Transfermarkt портали футболчининг нархини 60 миллион еврога баҳоламоқда.
Мартинелли Бразилия терма жамоасининг Қатарда бўлиб ўтаётган 2022 йилги жаҳон чемпионати учун кенгайтирилган таркибига киритилган ва турнирдаги 4 та ўйиндан 3 тасида майдонга тушган.
