1982 йилдан буён ҳар бир жаҳон чемпионати финалида камида биттадан “Бавария” ва “Интер” ўйинчиси иштирок этган, дея хабар беради Squawka.
Бу серия Қатардаги жаҳон чемпионатида давом этади. Ярим финалда “Бавария”нинг қуйидаги футболчилари майдонга тушади: хорватиялик Йосип Станишич, франциялик Дайот Упамекано, Кингсли Коман ва Бенжамин Павар, шунингдек, марокашлик Нуссаир Мазрауи. “Интер” шарафини хорватиялик Марсело Брозович ва аргентиналик Лаутаро Мартинес ҳимоя қилмоқда.
Бугун, 13 декабрь куни жаҳон чемпионатининг илк ярим финал учрашуви бўлиб ўтади. Унда Хорватия ва Аргентина терма жамоалари ўйнайди. Бошланиш ҳуштаги Тошкент вақти билан 23:59 да янграйди.
