Ўзбекистон делегациясининг икки аъзоси бугун мусобақаларда иштирок этади. Бугундан бошлаб олимпия ўйинларида юнон-рум курашчилар мусобақаларни бошлайдилар. Унда ҳам ҳар куни иккита вазн тоифаси бўйича медаллар эгалари аниқланади. Юнон-рум курашида фақат иккита вазн тоифасида спортчилар Лондонга боришган. Энг енгил вазн тоифаси (55 кг.)да иштирок этадиган Элмурод Тасмуродов 1/8 финал баҳсини венгриялик Петер Модосга қарши ўтказади.

Ҳамюртимиз ушбу спортчидан муваффақиятли ўта олса, чорак финалда Ҳамид Муҳаммад Сорян Райҳонпур (Эрон) / Арсен Эралиев (Қирғизистон) жуфтлигига қарши гиламга чиқади. Баҳслар Тошкент вақти билан соат 17:00да бошланади.

Енгил атлетика
400 мерга тўсиқлар оша югуриш баҳсларида ўзбекистонлик Наталья Асанова иштирок этади. У 2-саралаш гуруҳига киритилган. Асанова ўз гуруҳдошлари билан ярим финалга чиқиш учун курашиб кўради.

Бокс
Бугун эркаклар ўртасидаги бокс мусобақаларида чорак финал баҳслари бошланади. Бугун рингга чиқадиган 56 ва 91 кг. вазн тоифаларида спортчилар орасида ўзбекистонлик боксчилар йўқ. Орзубек Шоимов (56 кг) дастлабки босқичда ютқазиб қўйган бўлса, 91 кг.да юртимиз спортчилари олимпиада йўлланмасини қўлга кирита олишмаган.

5 август, якшанба
17:18. Юнон-рум кураши, 55 кг. 1/8 финал. Элмурод Тасмуродов - Петер Модос (Венгрия).
23:00. Енгил атлeтика, тўсиқлар оша югуриш, 400 м. Наталя Асанова. 2-саралаш гуруҳи