Қатарда бўлиб ўтаётган жаҳон чемпионатида Англия терма жамоаси сафида тўп сурган "Ливерпуль" ярим ҳимоячиси Жордан Хендерсон жамоа машғулотларига қайтди. Бу ҳақда “қизиллар” ижтимоий тармоқларида хабар берилди.
Эслатиб ўтамиз, 10 декабрдан 11 декабрга ўтар кечаси Англия терма жамоаси жаҳон чемпионатининг чорак финалида Францияга (1:2) имкониятни бой берганди. 32 ёшли Хендерсон 79 дақиқани майдонда ўтказди. Умуман олганда, Хендерсон турнирдаги тўртта ўйинда битта гол урди. 2022 йилги жаҳон чемпионатида “Ливерпуль”дан фақат Ибраҳима Конате (Франция) қолди.
23 декабрь куни “Ливерпуль” Лига кубоги доирасида “Манчестер Сити”га қарши баҳс олиб боради. 26 декабрь куни Юрген Клопп шогирдларини Англия Премьер-лигаси доирасидаги "Астон Вилла"га қарши ўйин кутмоқда. Иккала учрашув ҳам сафарда ўтказилади.
