"Монако" ва Франция терма жамоаси ярим ҳимоячиси Юсуф Фофана "Ювентус"нинг нишонига айланди, деб хабар беради Calciomercato.
Манбага кўра, Поль Погба, Адриен Рабьо ва Леандро Паредес тез орада Турин клубини тарк этишади. "Ювентус" ярим ҳимоя чизиғини кучайтириш учун Фофана билан шартнома имзолашни режалаштирмоқда.
Фофана "Монако"да 2020 йилнинг январидан бери тўп суради. Унинг клуб билан амалдаги шартномаси 2024 йилгача мўлжалланган. Transfermarkt портали ярим ҳимоячининг нархини 25 миллион еврога баҳоламоқда.
Жорий мавсумда Фофана монегасклар сафида барча мусобақаларда 22 та ўйин ўтказиб, 1 та гол уришга эришди.