Аргентина терма жамоаси ва “Астон Вилла” дарвозабони Эмилиано Мартинеснинг агенти Густаво Гони футболчи фаолиятини Италияда давом эттириши мумкинлигини тан олди.
"Бугунги кунда камдан-кам клублар Эмилиано каби дарвозабонни қўлга киритишга қодир, аммо А Серия - нега бўлиши мумкин эмас? Мартинес ўз олдига юқори мақсадлар қўяди, у Чемпионлар лигаси учун курашмоқчи", - дея Гони сўзларини келтиради Tuttomercatoweb.
30 ёшли Мартинес 2020 йил сентябридан буён “Астон Вилла” сафида тўп суради ва жорий мавсумда чемпионатда 24 та ўйинда 27 та гол ўтказиб юборди ва 8 та ўйинда ўз дарвозаси дахлсизлигини сақлаб қолди.
2022 йилги жаҳон чемпионатида футболчи Аргентина терма жамоаси таркибида жаҳон чемпионига айланди. У жамоанинг турнирдаги барча етти учрашувида қатнашиб, 8 та гол ўтказиб юборди ва учта ўйинни "қуруқ" ўтказди. Мартинес Қатардаги жаҳон чемпионатининг энг яхши дарвозабони деб топилди.
Transfermarkt.com портали дарвозабоннинг нархини 25 миллион еврога баҳоламоқда.
