"Фламенго" ва Чили терма жамоаси ярим ҳимоячиси Артуро Видаль Аргентина терма жамоасининг Қатардаги жаҳон чемпионатидаги ғалабасига муносабат билдирди.
"Футболни ихтиро қилганлардан, жанубий америкаликлардан ўрганинг", - деб ёзган Видаль ижтимоий тармоқда Франция терма жамоаси ҳужумчиси Килиан Мбаппе билан тушган суратини жойлаштирган ҳолда. Май ойида 23 ёшли франциялик футболчи Жанубий Америкада футбол Европадагидек ривожланган эмаслигини айтганди.
ЖЧ-2022 финалида Аргентина терма жамоаси Францияни мағлуб этди (3:3, пенальтилар сериясида – 4:2).
Аргентина терма жамоаси учинчи марта жаҳон чемпиони бўлди. Аввалроқ, аргентиналиклар 1978 ва 1986 йилларда ушбу турнирда ғолиб чиқишган.
