"Манчестер Юнайтед" Аргентина ва "Астон Вилла" дарвозабони Эмилиано Мартинесга қизиқиш билдирмоқда, дея хабар беради Football Insider.
Манбага кўра, “қизил иблислар” шартномаси 2023 йилнинг июнида якунига етадиган Давид де Хеа ўрнига узоқ муддатга ўринбосар қидирмоқда. 30 ёшли футболчининг "Астон Вилла" билан шартномаси 2027 йилнинг июнига қадар тузилган.
Аввалроқ, "Бавария" жароҳат олган Мануэль Нойернинг ўрнига Мартинесни кўриб чиқаётгани хабар қилинганди.
Аргентиналик футболчи 2020 йил сентябридан буён “Астон Вилла” сафида тўп суради ва жорий мавсумда жамоа сафида 24 ўйинда 27 та гол ўтказиб юборди ва 8 та ўйинда ўз дарвозаси дахлсизлигини сақлаб қолди.
Қатардаги турнирда футболчи Аргентина терма жамоаси таркибида жаҳон чемпиони бўлди. У жамоанинг турнирдаги барча 7 учрашувида қатнашиб, 8 та гол ўтказиб юборди. Мартинес Қатардаги жаҳон чемпионатининг энг яхши дарвозабони деб топилди.
Transfermarkt портали футболчини 25 миллион еврога баҳоламоқда.