"Барселона" бош мураббийи Хави ўз жамоасининг асосий ҳужумчиси Роберт Левандовски ҳақида гапирди.
"У бизга осмондан жўнатилди - жамоага керак бўлган ҳақиқий лидер", - дея мураббийнинг сўзларини келтиради Diario Sport.
Хавининг қўшимча қилишича, уни мураббий сифатида Роберт Левандовски каби юқори тоифали ўйинчининг камтарлиги ҳайратга солган. Қолаверса, поляк жаҳон футболи юлдузи ва буни жамоадаги ҳамма яхши билади.
"Барселона"даги биринчи мавсумида Левандовски аллақачон яхши натижаларни кўрсатмоқда ва у жамоа учун барча мусобақаларда 19 ўйинда 18 марта гол урди ва тўртта голли узатмани амалга оширди.
