Мюнхеннинг "Бавария" клуби агар Бенжамин Павар кетса, келаси ёзда унинг ўрнига келиши мумкин бўлган футболчини танлади.
Германия матбуотининг тарқатган маълумотига қараганда, Юлиан Нагельсманн жамоаси “Лион” ҳимоячиси Мало Гюстони фаол кузатиб бормоқда. Шунингдек, ҳимоячига "Манчестер Юнайтед" ҳам қизиқиш билдирмоқда.
"Бавария" мураббийларнинг режасига кўра, ёш франциялик футболчи ўнг қанот ҳимоячисида Паварнинг ўрнини боса олади.
Эслатиб ўтамиз, Бенжамин аввалроқ "Альянц Арена"ни тарк этиб, ҳимоя марказида ўйнайдиган клубга ўтиш истагини билдирган эди.
Жорий мавсумда Гюстё Франция чемпионатида 14 та ўйин ўтказди. Бу ўйинларда футболчи битта голли узатмани амалга оширди.
