"Челси" ярим ҳимоячиси Жоржиньо ёзда шартномаси тугашига қарамай, жамоада қолишни истаётганини тан олди.
Дастлабки миш-мишларга кўра, барчаси Италия терма жамоаси футболчиси "кўклар" раҳбариятидан қандай шартларни олишига боғлиқ.
"Албатта, мен "Челси"да қолишни хоҳлайман. Бироқ, мен ҳозир бу ҳақда ўйлашни хоҳламайман. Мен бор эътиборимни ўйинларда ғалаба қозонишга қаратганман. Акс ҳолда муаммолар пайдо бўлиши мумкин", - деди Жоржиньо.
2023 йилнинг ёзида Жоржиньо эркин агентга айланиши мумкин. Ярим ҳимоячи "Барселона"га ўтиши мумкин.













