Айни дамда Франциянинг “Лион” клубида ижара асосида ўйнаётган бразилиялик вингер Тете фаолиятини АПЛда давом эттириши мумкин.
Goal.com портали хабарига кўра, футболчининг хизматлари Англия Премьер-лигасининг бир қатор клубларига таклиф қилинган. Гап "Арсенал", "Тоттенхэм", "Ньюкасл" ва "Вест Хэм" ҳақида кетмоқда. Рўйхатдаги барча клублар кейинроқ сотиб олиш имконияти билан жанубий америкаликни ижарага олишлари мумкин.
Эслатиб ўтамиз, футболчининг тўлиқ шартномаси Украинанинг "Шахтёр" клубига тегишли.
Тете жорий мавсум Франция чемпионатида 13 та ўйинда майдонга тушиб, 5 та гол ва 2 та голли узатмага муаллифлик қилган.
