"Аталанта" дарвозабони Марко Спортьелло "Милан"га ўтишга яқин, деб хабар беради La Gazette Dello Sport.
30 ёшли дарвозабоннинг Бергамо клуби билан шартномаси 2023 йилнинг ёзига қадар тузилган, шу боис у бошқа клублар билан музокаралар олиб бориш ҳуқуқига эга. Спортьелло қишки трансфер ойнаси ёпилгач, февраль ойида "Милан" билан олдиндан шартнома имзолаши кутилмоқда.
Бироқ “Аталанта” дарвозабонни қишда “Милан” клубига қўйиб юборишга тайёр ва футболчи учун 7 миллион евро олмоқчи.
Жорий мавсумда Спортьелло А Серияда 6 та ўйин ўтказди ва ўз дарвозасидан 7 та гол ўтказиб юборди ва икки марта ўз дарвозасини "қуруқ" сақлади.
