"Бенфика" ярим ҳимоячиси Энцо Фернандес ЖЧ-2022 кашфиётларидан бири бўлди. Аргентиналик футболчи Қатардаги турнирнинг энг яхши ёш футболчиси деб тан олинди ва энди трансфер бозорида унинг учун жиддий кураш авж олди.
Энцо Фернандесга қизиқиш билдираётган клублардан бири бу "Челси". Лондонликлар аргентиналик учун 120 миллион евро тўлашлари керак - бу 21 ёшли ярим ҳимоячининг шартномасида кўрсатилган тўлов миқдори.
Goal хабарига кўра, Фернандес трансферини молиялаштириш доирасида "Челси" январ ойида Жоржиньони сотишга тайёр. Шу билан бирга, лондонликлар италияликни сотишдан кўп даромад олишмайди, чунки унинг шартномаси ёзда тугайди.