"Барселона" бош мураббийи Хави Эрнандес "Атлетико"га қарши ўйинда ким ҳужумчи позициясида ўйнашини аниқлади.

Sport нашри хабарига кўра, ҳужум қанотида ўйнашга кўпроқ одатланган Ансу Фати Испания чемпионатида "матрасчилар" билан ўйинда "тўққизлик" позициясида майдонга тушади.

"Барселона" мураббийлар штаби чемпионатнинг сўнгги турида қизил карточка олган асосий ҳужумчи Роберт Левандовскининг дисквалификацияси туфайли Фатини марказда ўйнатишга мажбур.

"Барселона" ҳамон Ла Лига пешқадами бўлиб турибди, урилган ва ўтказиб юборилган голлар сони бўйича "Реал"дан олдинда.