Лондон Олимпиадаси Басектбол мусобақалари ҳам кутилганидек АҚШ терма жамоаси ғалабаси билан якунланди.
Финал баҳси кўпчилик кутганидек бир жамоа устунлигида ўтмади. Европанинг энг кучли термаларидан бири ҳисобланган Испания термаси америкалик баскетбол юлдузларига кутилганиданда жиддий қаршилик кўрсатишди.
Учта бўлим якунига етган вазиятда испанлар фақат бир очко эвазиганиа ортда қолишаётганди - 82:83.
Аммо тажриба ва маҳорат барибир ўз сўзини айтди. АҚШлик баскетболчилар сўнгги бўлимда рақибига қарши қаттиқ ҳимоя тактикасини қўллаб, яқин масофадан деярли тўпни отишга имкон қолдиришмади. Кевин Дюрант, Коби Брайан каби юлдузлар эса рақиб ҳимоясини бузиб ўтиб, очколарни тўплайвердилар.
Учрашув якунланишига бир ярим дақиқа вақт қолганида, орадаги фарқ 11 очкога етди ва Испания тақдирга тан берди. Якуний ҳисоб 107:100
Шундай қилиб баскетбол мусобақаларида АҚШ термасига қаршилик қила оладиган давлат ҳали йўқлиги ўз исботини топди. Кеча АҚШ аёллар термаси, бугун эркаклар терма жамоаси Олипиада олтин медалларини қўлга киритишди.
