Лондоннинг “Вест Хэм” клуби “Севилья” ҳужумчиси Юсуф Эн-Несирини қўлга киритиш учун янги уринишлар қилди.
Журналист Давид Орнштейннинг сўзларига кўра, "болғачилар" марокашлик футболчини бу сафар сотиб олиш опцияси билан ижарага олмоқчи.
Манбага кўра, "Севилья" ҳозирча таклифни рад этишни ўйламоқда. Сўнгги ойларда Эн-Несири асосий таркибдаги ўрнини йўқотган бўлса-да, бунга жароҳатлар сабаб бўлган. Юсуф яқинда Жаҳон чемпионатида Марокаш таркибида яхши ўйин кўрсатди, шунинг учун "Севилья" ҳужумчининг формага қайтишига умид қилмоқда.
"Вест Хэм" 2021 йилнинг ёзида Ла Лигада 18 та гол киритган Эн-Несирини қўлга киритишга ҳаракат қилган эди. Бироқ, ўшанда "Севилья" ўз футболчисини сотишдан бош тортганди.
