"Реал" қизиқишлари орасида "Бавария" ва Канада терма жамоасининг чап қанот ҳимоячиси Альфонсо Дэвис бор.
Мадридликлар 22 ёшли футболчини келаси ёзда сотиб олишни кутмоқда. Бироқ, El Naciona нашри хабарига кўра, Дэвиснинг трансфери амалга ошмаслиги мумкин. Чунки, "Реал" "Бавария"нинг трансфер нархи бўйича талабини қондиришга тайёр эмас. Сабаби, мюнхенликлар Дэвисни 80-90 миллион еврога сотишни режалаштирмоқда.
Альфонсо Дэвис 2019 йил бошида "Ванкувер"дан трансфер қилинган. Мюнхен клуби таркибида 134 учрашувда қатнашган канадалик футболчи 6 та гол урди ва шеригига 21 та самарали узатма берди.
