Миланнинг "Интер" клуби ҳуқуқлари Лондоннинг "Челси" клубига тегишли бўлган ҳужумчи Ромелу Лукакунинг ижара муддатини узайтиришни истамаяпти.
FC Inter News нашри хабарига кўра, "нерадзуррилар" иккинчи келишувнинг мақсадга мувофиқлигига шубҳа қилмоқда.
Муаммо шундаки, “Интер” футболчининг маошини ҳисобга олган ҳолда мавсум охиригача биринчи ижара учун 20 миллион евро сарфлайди. Бельгиялик футболчи жорий мавсумда узоқ вақт жароҳат олиб, А Серияда атиги битта гол урганини инобатга олсак, “нерадзуррилар” раҳбарияти Ромелуни таркибда сақлаб қолишни истамаяпти.
Лукаку 2021 йилнинг ёзида "Челси"га 113 миллион евро эвазига ўтган эди ва у клуб тарихидаги энг қиммат футболчига айланганди.
