Ўзбекистон футбол ҳакамлари марказида 2023 йилги мавсум учун назоратчилар ва ҳакамлар учун қишки ўқув-йиғинлар бошланди.

9–10 январь кунлари назоратчилар учун ўқув машғулот йиғинлари бўлиб ўтди. Йиғин доирасида Ўзбекистон футбол ассоциацияси биринчи вице-президенти Равшан Эрматов машғулотларда замонавий ҳакамлик тажрибаси, айниқса яқинда Қатарда ўтказилган мундиалдаги ҳакамлик ишларидаги янгиликларга урғу берилишига эътибор қаратди. Бунга қўшимча равишда, машғулотлар давомида учрашув қайдномасини тўлдириш, ўйин қоидаларидаги ўзгаришлар ва видеороликлар орқали ўйинда юз бериши мумкин бўлган ҳолатлар юзасидан зарурий тавсиялар бериб борилди.

Назоратчилар учун ўтказилаётган ўқув-машғулот йиғинининг иккинчи кунида назоратчилар дастлаб қайднома, регламент ва ўйин қоидаларига оид тест топширган бўлишса, кун давомида ўйиндаги ҳолатларни таҳлил қилишди (жарима майдончаси ичида ва яккакурашлардаги қоидабузарликлар, ўйиндан ташқари ҳолат ва ҳ.к.) ҳамда гуруҳларга бўлинган ҳолда тақдим этилган видеоматериалларни муҳокама қилишди.