Жорий мавсумда “Бешиктош”да ижара асосида ўйнаётган “Бёрнли” ҳужумчиси Воут Вегхорст Туркиядан Англияга учиб кетди, дея хабар беради журналист Фабрицио Романо.
У тиббий кўрикдан ўтиши керак, шундан сўнг ҳужумчининг "Манчестер Юнайтед"га ўтиши расман эълон қилинади.
Олдинроқ "Манчестер Юнайтед" "Бешиктош"га 3 миллион тўлаши, кейин эса 30 ёшли ҳужумчини "Бёрнли"дан ижарага олиши хабар қилинганди.
Вегхорст жорий мавсумда Туркия чемпионатида "Бешиктош" сафида 15 та ўйинда 7 та гол урди. Қатардаги жаҳон чемпионатида ҳужумчи чорак финалда Аргентинага қарши ўйинда дубль қайд этди.
